هرات کې څه باندې ۵۰ ټنه نشهيي توکي سوځول شوي.
د هرات د امنیې قومنداني د نشهیي توکو پر ضد د مبارزې مدیریت مسوولان وایي چې جمعه (د لړم ۱۶مه) له ۵۰ ټنه ډېر نشهيي توکي سوځول شوي دي.
د نشهیي توکو ضد مبارزې مدیر حیاتالله روحاني وایي چې دغه مواد د امنیتي ځواکونو له لوري د بېلابېلو عملیاتو پرمهال راټول شوي وو.
په سوځول شویو توکو کې هیروئین، شیشه، تریاک، چرس، له ۱۰زرو ډېر د نشهيي ګولیو ټابلیټونه، ۳،۸۸۱ لیتره الکولي مشروبات، له ۵ زرو کیلوګرامو ډېر جامد او مایع کیمیاوي مواد، ۵۸۴،۸۴۶ کیلوګرامه د اومان بوټي او ۱۸۲۷ کیلوګرامه د «ایف» په نوم مواد شامل وو.
نوموړي زیاته کړه چې د تېرکال په اوږدو کې د نشهيي موادو د ساتنې او کرنې په تړاو له زر ډېر کسان نیول شوي او عدلي او قضايي ارګانونو ته سپارل شوي دي.
په همدې حال کې، د هرات د ښار د محکمې د عامه امنیت دیوان غړی، غلام رسول وایي چې د اسلامي امارت د مشرتابه د فرمان پربنسټ، د نشهیي موادو کر، تولید، قاچاق، پلور او استعمال په ټول هېواد کې منع دی او اړوندې ادارې موظفې دي چې د مخدره موادو د بشپړې لهمنځه وړو لپاره جدي او دوامداره مبارزه وکړي.
