د لوګر ولایت ځایي چارواکي وایي، چې د دغه ولایت د بره کي برک ولسوالۍ په يحيی خېلو سیمه کې د یحیی خېلو سربند د جوړولو چارې پیل شوې دي.
د یاد ولایت د اوبو او انرژۍ ریاست مسوولینو ویلي، چې دغه سربند د ٤١ متره په اوږدوالي د FAO موسسې په مالي ملاتړ د ۶ میلیونه ۲۰۰ زره افغانیو په لګښت جوړېږي، چې چارې به یې د شپږو میاشتو په موده کې بشپړې شي.
د سرچینې په خبره دا سربند به د سیمې شاوخوا دوه زره جریبه کرنیزه ځمکه خړوبه کړي. د یادونې وړ ده، چې د دې سربند د جوړېدو په بهیر کې لسګونه کسانو ته د کار زمینه هم برابره شوې ده.
