د افغاني سرې میاشتې ټولنې، د سوېل ختیځ زون اړوند د لوګر سرې میاشتې ریاست له لوري، دغه ولایت ته له را ستانه شوو ۱۳۰۰ کډوالو کورنیو سره د ۱۹،۵ میلونه افغانیو په ارزښت نغدي مرستې ترسره شوې.
یادې مرستې د لوګر مرکز پل علم، محمدآغې، خوښۍ او برکي برک ولسوالیو په هغو کورنیو ووېشل شوې؛ کوم چې تازه له پاکستان او ایران هیوادونو څخه را ستنې شوې دي.
د سوېل ختیځ زون د رئیس مولوي سیدمنهاج الدین «هاشمي» او د لوګر سرې میاشتې د رئیس مولوي سیدهاشم «سادات» په وینا، راستنو شوو کډوالو ته یادې مرستې د سره صلیب نړیوالې کمېټې (ICRC) په مالي ملاتړ چمتو شوې وې، چې هرې کورنۍ ته ۱۵۰۰۰ افغانۍ ورکړل شوې.
مسوولین وایي، یادې مرستې د بشري خواخوږۍ او بېړنیو اړتیاوو د پوره کولو په موخه شوي، چې په دې نغدي مرسته به یادې کورنۍ وکولی شي څو د ژمي لپاره د اړتیا وړ خوراکي، غیرخوراکي او سون توکي وپېري.
