ټرمپ د درېیمې نړۍ له هېوادونو کډوالۍ بندوي.
د امریکا ولسمشر ډونالډ اعلان کړی چې د درېیمې نړۍ له هېوادونو به دغه هېواد ته کډوالي بنده او کډوالو ته به د فدرال حکومت ټول امتیازونه لغوه کړي.
ټرمپ ادعا کړې چې د کډوالۍ وروستیو تګلارو د امریکا پرمختللې ټکنالوژي او ټولنیز وضعیت زیانمن کړی او د ډېرو خلکو د ژوند کیفیت یې خراب کړی دی.
ټرمپ وویل چې د جو بایډن په دوره کې صادر شوي «میلیونونه غیرقانوني قبولي» به لغوه کړي او هغه کسان به وشړي چې د ده په وینا، نه اقتصادي ګټه لري، نه د امریکا ارزښتونو ته ژمن دي او نه له لوېدیځ تمدن سره سازګار دي.
نوموړي زیاته کړه چې هر هغه بهرنی به هم وشړي چې د حکومت لپاره مالي بار وي یا امنیتي خطر رامنځته کړي.
د ټرمپ په وینا، د ده هدف د «غیرقانوني او اخلالګر نفوس کمول» دي او «بېرته کډوالي» یوازینۍ لار ده چې امریکا خپلې مطلوبې پایلې ته ورسوي.
