له اوربند د اسراییلو سرغړونې؛ ۴۴ورځو کې ۴۹۷ ځلې سرغړونې شوي.
د غزې د حکومت د رسنیو دفتر ویلي چې اسراییلو په غزه کې له شوي تړون ۴۹۷ ځلې سرغړونه کړې چې دا شمېر د اوربند له پیل څخه یوازې ۴۴ ورځې کې رامنځته شوی دی.
د دې سرغړونو په ترڅ کې، د غزې روغتیا وزارت او نورې سرچینې وايي چې تر سلګونو فلسطینیانو خپل ژوند له لاسه ورکړی دی. د راپورونو پربنسټ، تراوسه ۳۴۲ ملکیان ټپيان شوي یا وژل شوي چې ډېری یې ماشومان، ښځې او مشران دي.
د غزې د حکومت رسنیو دفتر په خپله اعلامیه کې ویلي: «موږ د اسراییلي اشغالګرو چارواکو د دوامداره او سیستماتیکو سرغړونې په کلکه غندنه کوو. دا سرغړونې د بشري حقوقو او نړیوالو اصولو ښکاره نقض دی.»
د خبرپاڼې له مخې، اسراییل د اوربند تړون سره سم د بشري مرستو او طبي توکو د وړیا او بشپړ داخلیدو اجازه نهده ورکړې، چې دا هم د تړون د شرایطو مخالف بلل شوی دی.
سربېره پر دې، د راپورونو له مخې، پرون یوازې ۲۷ سرغړونې رامنځته شوي چې له امله یې ۲۴ کسان شهیدان او ۸۷ کسان ټپیان شوي دي.
د غزې حکومت زیاتوي چې اسراییل په بشپړه توګه د دې انساني او امنیتي پایلو مسوولیت لري.
