دمشق کې عملیات؛ شپږ اسراییلي سرتیري ټپیان شوي.
د سوریې دولتي تلویزیون وايي چې د اسراییلو د پوځ هوايي او توپخانهيي بریدونه د دمشق د «ریف دمشق» په «بیتجن» سیمه کې لږترلږه ۱۳ کسان وژلي دي.
د راپورونو له مخې، د جمعې پر ورځ د اسراییلو هوايي او توپخانيي بریدونو د «جبلالشیخ» په لمنه کې پرته سیمه په نښه کړه. د سورې رسنیو ویلي، برید هغه مهال شوی چې د ښار اوسېدونکو او د اسراییلو د یوې ګزمنې ترمنځ نښتې رامنځته شوې. ویل کېږي ګزمې درې ځوانان نیولي وو.
د سوریې تلویزیون همداراز ویلي چې د بریدونو له امله د ښارګوټي یوشمېر اوسېدونکي اړ شوي چې نږدې کلیو ته کډه وکړي.
بلخوا د اسراییلو پوځ ویلي چې د تیپ ۵۵ ځواکونو د شپې مهال په بیتجن کې عملیات کړي او د هغو کسانو د نیولو په هدف چې د اسرائيلي وګړو پر ضد یې د فعالیتونو شک موجود و، عملیات کړي دي.
د پوځ په وینا، د عملیاتو پرمهال د پوځ پر سرتېرو ډزې وشوې او هغوی د ځوابي ډزو تر څنګ هوايي ملاتړ هم وغوښت.
اسراییلي پوځ تاییدوي چې په جګړه کې څو سرتېري ټپیان شوي؛ دوه افسران او یو د زېرمو سرتېری په سخت حالت کې دی، بل سرتېری منځنۍ کچې ټپي شوی او دوه نور هم برسېرن ټپیان شوي دي.
د اسراییلو پوځ وايي چې ټول مطلوب کسان نیول شوي او یوشمېر وسلهوال وژل شوي دي. پوځ زیاته کړې چې د «هر ډول ګواښ» پر وړاندې به عملیات روان وساتي.
