د بلخ ولایت ځایي چارواکي وايي، چې د مرکز مزارشریف ښار په لومړۍ ناحیه کې د ۳۹ میلیونه افغانیو په لګښت د شادیان صنعتي پارکونو سړک د پخولو چارې پيل شوې دي.
د مزارشریف د ښاروالۍ مسوولین وایي، چې دغه سړک ۱۱۶۷ متره اوږدوالی او ۱۴ متره سور لري، چې چارې به یې د شپږو میاشتو په موده کې بشپړې شي.
ورته مهال د سیمې اوسېدونکي د یادو سړکونو په جوړېدو خوښ دي او وایي، چې د دغو سړکونو په جوړېدو سره به یې د تګ راتګ په برخه کې شته ستونزې هوارې شي.
