لوګر کې په پنځه میلیونه افغانیو یوې دیني مدرسې ته ودانۍ جوړیږي.
لوګر ولایت مرکز پل علم په بابوس سیمه کې د «نجم المدارس» په نوم یوې دیني مدرسې ته د پنځه مېلیونه افغانیو په ارزښت د خلکو په شخصي لګښت ودانۍ جوړیږي.
د یادې مدرسې مسؤل احسان الله جوړو شویو مراسمو ته وویل، دغه دیني مدرسه د خلکو په شخصي مرسته په یو جریب ځمکه کې د راتلونکي یوه کال په ترڅ کې جوړیږي چې له پرانیستې سره به یې درې سوه زده کوونکو ته د زده کړو مناسب چاپيریال برابر شي.
بلخوا د پکتیا ولایت مرستیال والي مولوي انعام الله صلاح الدین او همدارنګه د اطلاعاتو او کلتور وزارت د عامه کتابوتونو عمومي رئيس رفیع الله صمیم د ولس له لوري یادې مدرسې ته د ودانۍ جوړیدو څخه هرکلی او ملاتړ وکړ او زیاته یې کړه چې لازمه ده چې د لوګر ولایت ټول ولسونه خپل ماشومان په دیني او عصري زده کړو سمبال کړي.
دوي په خپلو خبرو کې په خیریه بنسټونو، سوداګرو او د خیر او ښګڼې خلکوغږ وکړ چې لوګر ولایت کې له دیني مدارسو او ښوونځیو سره خپلو مرستو ته دوام ورکړي.
