لوګر کې د سوکوهنې «خزان جام» سیالي پای ته ورسېدې.
د لوګر د بدني روزنې او ورزش امریت مسوولان وایي چې د دغه ولایت په مرکز پلعلم کې د ۸۰ غوره لوبغاړو ترمنځ د سوکوهنې یوه ورځنۍ سیالي پای ته ورسېدې.
د دغه ولایت د بدنې روزنې او ورزش امریت انجینیر مزمل نعیمزي زینت رادیو ته وویل، په جوړو شویو سیالیو کې د مرکز پلعلم او ولسوالیو نونهالانو، تنکیو ځوانانو، ځوانانو او لويانو ورزش کارانو ګډون کړی وو.
نوموړي زیاته کړه، د سوکوهنې په سیالیو په پای کې، ناک داون کلپ لومړی مقام، خالد بن ولید کلپ دویم مقام، او د سفید سنګ ځوانان کلپ درېیم مقام ترلاسه کړ.
نعیم زي زیاته کړه، له یادو سیالیو جوړیدو څخه موخه لوګر ولایت کې سوک وهنې ورزش ته وده ورکول، د ورزش کارانو ظرفیت لوړول او همدارنګه د ورزشکارانو ترمنځ غوره اړیکې رامنځته کول دي.
بلخوا د جوړو شویو سیالیو یوه ورشکار عنایت الله زینت رادیو ته وویل، دا ډول سیالۍ کولای شي د ولایت په کچه د سوک وهنې ورزشکارانو ترمنځ غوره اړیکې رامنځته شي او د ظرفیت کچه یې لوړه شي.
هېره دې نه وي چې د یادو سیالیو په پای کې په یو شمیر مخکښو ورزشکارانو ډالۍ او مډالونه هم ووېشل شول.
