کرکټ؛ د افغانستان او سریلانکا ترمنځ لوبلړۍ وځنډېده.
د افغانستان او سریلانکا ترمنځ د کرکټ راتلونکې لوبلړۍ چې ټاکل شوې وه په روانه مارچ میاشت کې په متحده عربي اماراتو کې ترسره شي، ځنډېدلې ده.
د افغانستان کرکټ بورډ کې سرچینې تایید کړه چې له سریلانکا سره لوبلړۍ ځنډېدلې او په یوه بل مناسب وخت کې به ترسره شي.
له دې مخکې کرېک انفو په یوه راپور کې ویلي چې د افغانستان او سریلانکا ترمنځ راتلونکې لوبلړۍ چې ټاکل شوې وه په روانه مارچ میاشت کې په متحده عربي اماراتو کې ترسره شوې وې، ښايي په منځني ختیځ کې د روانو کړکېچونو له امله د نامعلوم وخت لپاره وځنډول شي.
ټاکل شوې وه چې د افغانستان او سریلانکا ترمنځ د روانې مارچ میاشتې له ۱۳مې تر ۲۵مې پورې درې شلاوریزې او درې یو ورځنۍ نړۍوالې سیالۍ په متحده عربي اماراتو کې د افغانستان په کوربهتوب ترسره شي.
