د لوګر افغانۍ سرې میاشتنې ټولنۍ ریاست مسوولان وایي چې د دغه ولایت په مرکز پل‌علم او محمداغې ولسوالي کې د افغاني سرې میاشتې ټولنې له لوري د ترکیې په مالي ملاتړ له ۳۰۰ اړمنو کورنیو سره نغدې او غیرنغدې مرستې وشوې.

د لوګر سرې میاشتې رییس مولوي میرهاشم حزب‌الله، وویل چې دې مرستو کې ټول‌ټال ۹ ډوله خوراکي توکي او یو قلم غیرخوراکي توکي شامل وو چې مجموعي ارزښت یې له ۱.۲ میلیونو افغانیو څخه زیات دی.

نوموړي زیاته کړه چې د یادو مرستو له ګټو ۲۰۰ کورنۍ د مرکز اړمن اوسېدونکي دي او ۱۰۰ نورې کورنۍ د محمدآغه ولسوالۍ پورې اړه لري.

په ورته وخت کې د سوېل ختیځ زون د سرې میاشتې رئیس، مولوي سید منهاج‌الدین هاشمي، د یادو مرستو د هدف په اړه وویل چې د دغو مرستو موخه د اړمنو لاسنیوی او د بېوزلۍ د کچې کمول دي.

هغه همدارنګه زیاته کړه، هڅه  کوي چې د افغانۍ سرې میاشتنې ټولنې او یو شمیر نړیوالو بنسټونو په همکارۍ له بې وزله کورنیو سره خپلې مرستې پراخې کړي.