اسراییل ۳۲۰ زره فلسطینیان له غزې کډه کولو ته مجبوره کړي.
اسراییلي رسنیو راپور ورکړی، ، مخکې له دې چې د اسراییل پوځ غزه کې د حماس پر وړاندې پلان شوي عملیات پیل کړي، د تازه اټکلونو له مخې، تر اوسه پورې له ۳۲۰ زره څخه زیاتو فلسطینیانو د غزې ښار نورو سیمو ته کډه کړې.
راپورونو کې ویل شوي چې یوازې تېره شپه شاوخوا ۲۰ زره کسان له غزې ښاره وتلي.
د مالوماتو پر بنسټ، غزه کې شاوخوا ۲ میلیون فلسطینیان ژوند کوي.
د اسراییل پوځ تیره اونۍ د غزې ښار ټولو اوسېدونکو ته امر وکړ چې له پلان شوي برید وړاندې سمدلاسه، له غزې ښار څخه ووځي.
اسراییل غزه کې ملکي وګړو ته ویلي چې د غزې سویل کې د دوی لخوا ټاکل شوي بشري زون ته لاړ شي، خو فلسطینیانو په وینا، غزه کې هیڅ ځای خوندي نهدی.
