د پکتیکا ولایت پوهنې ریاست وایې ارګون ولسوالۍ کې رحمانیه مدرسې ته نوې ودانۍ د سیمې د خلکو او تجارانو له لوري د ۲ میلیون افغانیو په لګښت جوړه او ګتې اخیستنې ته وسپارل شوه.
د پکتیکا پوهنې رئیس مولوي عبدالوکیل خالد يادي مدرسې ته د نوې ودانۍ جوړېدل د ښوونیزو بنسټونو د پیاوړتیا په برخه کې مهم ګام وباله او د سیمې د خلکو او تجارانو له همکارۍ یې مننه وکړه.
نوموړي زیاته کړه د ولس په مرسته د ښوونیزو او دیني مرکزونو جوړېدل د ټولنې د فکري ودې، سالمې روزنې او روښانه راتلونکې تضمین دی.
د ارګون ولسوالۍ د پوهنې امر سیدنذیر سعید وایې یاده ودانۍ اړتیاوو ته په کتو په اساسي او معیاري ډول جوړه شوې، چې اته درسي خوني او یو پراخ دهلیز لري.
