میدانوردګ کې د درې ولایتونو ترمنځ د کرېکټ سیالي وشوې.
د میدانوردګ د کرېکټ امریت مسوولان وایي چې د پروان، کاپیسا او میدانوردګ ولایتونو د کرېکټ غوره لوبډلو ترمنځ د کرېکټ پنځه ورځنۍ سیالي پای ته ورسېدې.
د دغه ولایت د کرېکټ امر نصیراحمد امرخېل رسنیو ته وویل، د کرېکټ دغه پنځوس اوریزې سیالي د یادو ولایتونو د غوره لوبډلو ترمنځ ترسره شوې چې میدانوردګ کرېکټ لوبډلې وکولای شول د یادو سیالیو اتلولي خپله کړي.
هغه وویل، دا سیالي د کرېکټ بورډ لهخوا د راتلونکو دویمه درجه وزیر محمداکبرخان ملي سیالیو لپاره د چمتووالي په موخه ترسره شوې.
د نوموړي په وینا، د میدانوردګ او پروان ولایتونه لوبډلې د دې سیالیو فاینل ته ووتې چې په پای کې د میدانوردګو لوبډله وتوانېده څو خپلې ټولي درې واړه لوبې وګټې او د سیالیو اتلولي خپله کړي.
