نورستان کې د څه باندې ۱۱۱میلیونه افغانیو په ارزښت قیمتي ډبرې وپلورل شوې.
د نورستان د کانونو او پټرولیم ریاست مسوولان وايي چې د دغه ولایت دواب ولسوالي کې د ازادې بولۍ له لارې ۸۷۸۵ کیلوګرامه قیمتي او نیمه قیمتي ډبرې د ۱۱۱ میلیونه ۵۵۷زره افغانیو په ارزښت وپلورل شوې.
د نورستان کانونو او پټرولیم رییس مولوي سیدالرحیم عمیر وايي، یادې قیمتي او نیمه قیمتي ډبرې چې بیروج، کنزیټ، مارګنیټ او بلور پهکې شامل وو، د دواب ولسوالي اړوند د ماوي کانونو څخه ترلاسه شوې وو چې د ازادې بولۍ له لارې پلورل شوي دي.
عمیر زیاتوي چې تر دې وړاندې هم د نورستان په مرکز پارون او ختیځ نورستان کې ورته بولۍ شوې دي.
