لغمان کې په ۵۲ ميليون افغانۍ پُل جوړیږي.
د لغمان مرکز مهترلام اړوند «زيارت» سیمه کې د ۵۲ میلیون افغانیو په ارزښت د يوه پُل د جوړېدو چارې پيل شوې.
دغه پل ۱۰۰ متره اوږدوالی او ۹ متره پلنوالی لري چې په جوړېدو سره به يې زرګونه کورنیو ته د تګ راتګ په برخه کې اسانتیاووې رامنځ ته شي.
د لغمان د ټولګټو چارو رییس ملا همایون وایي، د دغه پله د جوړېدو چارې به يوه کال کې بشپړې شي.
د یادونې ده چې د مهترلام ښار «زیارت» سیمه کې پخوانی پُل موجود دی، خو د تنګوالي له امله پهکې ګڼه ګوڼه زیاته ده او د سیمې د خلکو کارونه له ځنډ او خنډ سره مخ دي.
