لوګر کې د دوو کورنیو ترمنځ شل کلنه دښمني پای ته ورسېده.
د لوګر سیمهییز مسوولین وایي چې د دغه ولایت د مرکز پلعلم اړوند «بابوس» کلي کې د دوو کورنیو ترمنځ شاوخوا ۲۰ کلنه دښمني د سیمهییزو مسوولینو، دیني علماوو او قومي مشرانو په منځګړیتوب پای ته ورسېده.
د لوګر د والي ویاند صدیقاحمد صدیقي زینت رادیو ته وویل چې دغه شخړه شل کاله مخکې د کورنیو ستونزو له امله رامنځته شوې وه چې په ترڅ کې یې د یوې مېرمنې په ګډون درې کسان وژل شوي او یو کس ټپي شوی و.
صدیقي زیاته کړه چې دغه دښمني د سیمهییزو مسوولینو، دیني عالماوو او قومي مشرانو په منځګړیتوب پای ته ورسېده او ښکېلو خواوو یو بل ته بښنه وکړه.
په غونډه کې د لوګر قومي مشرانو، دیني علماوو او جهادي څېرو د اسلامي اصولو له مخې د عفوې ارزښت بیان کړ او دواړو کورنیو ته یې د سولهییز ژوند سپارښتنه وکړه.
ښېکلو کورنیو هم یو بل ته بښنه وکړه او ژمنه یې وکړه چې له دې وروسته به په سولهییزه فضا کې ژوند کوي او دښمني به په بشپړ ډول پای ته رسوي.
