سمنګان کې ټرافیکي پېښه کې ۸ کسانو ته مرګژوبله اوښتې.
د سمنګان امنيتي مسوولان وايي، د حضرت سلطان ولسوالي «غزنيګک» سیمه کې د يوې ټرافیکي پېښې له امله ۳ کسان مړه شوي او ۵ نور ټپيان شوي.
د سمنګان د امنیې قومندانۍ ویاند حشمتالله رحماني وویل، دا پېښه نن سهار (دوشنبه، د قوس ۲۴مه) د يوه سراچه ډوله او باروړونکي موټر د ټکر له امله رامنځته شوې.
رحماني زياتوي چې مړو شویو کې دوه او ټپیانو کې يوه ښځه شامله ده.
د هغه په وينا، د پېښې قربانيان او ټپيان چې دامهال تر درملنې لاندې دي، د سمنګان اوسېدونکي دي.
د موټرچلونکو بېاحتیاطي او تېز سرعت د پېښې رامنځ ته کېدو لامل بلل کیږي.
