خوست کې په څه کم ۲۷ میلیون افغانۍ سړک جوړیږي.
د خوست ښار په لومړی، دريمه او څلورمه ناحیه کې د يو په شاوخوا ۲۷ میلیون افغانۍ د سړک جوړېدو چارې پيل شوې.
د خوست ښاروالي نن (پنجشنبه، اسد نهمه) یوه خبرپاڼه کې ویلي، دغه پروژه کې ۱۷۷۰ متره سړک، ۷۰۰ متره لښتي او د دوو پلچکونو جوړول شامل دي چې ټول پرې څه کم ۲۷ ميليون افغانی لګښت کيږي او چارې به يې راتلونکو شپږو مياشتو کې بشپړې شي.
خبرپاڼه کې د خوست ښاروال مفتي شهزاد نور راشد په خبره ویل شوي چې خوست ښاروالۍ روان مالي کال لپاره ۲۹ لویې او وړې پروژې په انکشافي پلان کې لري چې د څلورو یې قراردادونه بشپړ شوي او نن یې د درېیمې پروژه چارې پیل شوې.
د خوست يو شمېر اوسيدونکي او د بيلابيلو اصنافو غړي هم د يادې پروژې پيل ته خوښي څرګندوي.
دوی وويل تر اوسه د ښاروالي لخوا د ښار داخلي سړکونه رغول شوي او غوښتنه یې وکړه چې د ښار اړوند کليو کې ځينې خامه سرکونو رغولو لپاره دې هم جدي هڅې وکړي.
