لوګر کې د ۳۰ لوبډلو ترمنځ د والیبال سیالي پای ته ورسېدې.
د لوګر په محمداغې ولسوالي کې د ۳۰ غوره لوبډلو ترمنځ د پسرلي جام د والیبال سیالي پای ته ورسېدې.
د بدني روزنې او ورزش امریت امر، انجینیر مزمل نعیمزي زینت راډیو ته وویل، دغه سیالي د بدني روزنې او ورزش امریت له لوري د والیبال فدراسیون په همکارۍ د ولایت په کچه تنظیم شوې وې چې یوه اوونۍ یې دوام وکړ.
د نوموړي په وینا، پایلوبې ته د «لوګر اتلان» او «غزنيخېل» لوبډلو لار موندلې وه چې په وروستۍ لوبه کې «لوګر اتلان» وکولای شول خپل سیال ته ماتې ورکړي او د سیالیو اتلولي خپله کړي.
د سیالیو په پای کې اتلې لوبډلې ته جام، مډالونه او ستاینلیکونه ورکړل شول. همداراز، د لومړي مقام لوبډلې ته ۳۰ زره افغانۍ، دویم مقام ته ۵ زره افغانۍ او درېیم مقام ته ۳ زره افغانۍ نغدي جایزې هم ورکړل شوې.
