عباس عراقچي: د امریکايي ځواکونو د اېستلو وخت را رسېدلی.
د ایران بهرنیو چارو وزیر سید عباس عراقچي ویلي، اوس د دې وخت را رسېدلی چې امریکايي ځواکونه له سیمې وباسي.
هغه نن سهشنبه حمل ۱۱ / مارچ ۳۱ پر خپله اېکسپاڼه د متحده ایالاتو د یوې (E-3) الوتکې انځور خپور کړی چې د سعودي عربستان په پرنس سلطان اډه کې د بالسټیک توغندیو په واسطه ویشتل شوې.
عباس عراقچي سعودي عربستان ته خطاب کې لیکلي: «ایران سعودي عربستان ته درناوی لري او هغه یو ورور ملت بولي. خو د هغه دښمن پر وړاندې به یې چې عربانو او ایرانیانو ته هېڅ درناوی نهلري او نهشي کولی امنیت تامین کړي، عملیات روان وي.»
ده همدارنګه لیکلي: «د دې وخت رارسېدلی چې امریکایي ځواکونه وباسو. وګورئ چې مونږ د هغوی له هوايي ځواک سره څه وکړل.»
