د شپږیزې کرېکټ لیګ لومړۍ لوبه امو نهنګان لوبډلې وګټله.
په کابل کې د شپږیزې کرېکټ لیګ په لومړۍ لوبه کې دفاعي اتلې امو نهنګان په شپږو وېکټو د بُست ساتونکي لوبډلې ته ماته ورکړه.
بُست په دې لوبه کې لومړی توپوهنه وکړه او په ټاکل شویو شلو اورونو کې یې، د پنځو لوبغاړو په سوځېدو سره امو ته د ۱۴۹ منډو هدف ورکړ.
امو لوبډلې د څلور لوبغاړو په سوځېدو سره ورکړل شوی هدف په ۱۹ اوور کې ترلاسه او بریا یې، خپله کړه.
د امو نهنګان لپاره عمران ناسوځېدلې ۸۵ منډې جوړې کړې.
بلخوا د شپږیزې کرېکټ لیګ د روانو سیالیو په لړ کې به نن شنبه، جولای ۱۹مه میسعینک اتلان له سپینغر پړانګانو سره سیالي وکړي.
ټاکل شوې چې دغه لوبه نن له غرمې وروسته ۲:۰۰ کابل لوبغالي کې پیل شي.
د شپږیزې کرېکټ لیګ لسم پړاو سیالي نن د کابل کرېکټ لوبغالي کې پیل شوې چې پنځه لوبډلې پهکې ګډون لري او د اګسټ تر لومړۍ نېټې به روانې وي.
