احمدالشرع: د سوریې اوسېدونکي دې ابادۍ کې ونډه واخلي.
د سوریې ولسمشر احمدالشرع د دغه هېواد له اوسېدونکو غوښتنه کړې چې د هېواد په ابادۍ کې ونډه واخلي او سره یوځای شي.
نوموړي پرون یکشنبه، لیندۍ لومړۍ نېټه، په یوې غونډه کې ویلي: «د بیارغونې لپاره نن د سوریایانو اتحاد اړین دی چې د هېواد ابادۍ کې ټولې هڅې رښتینې شي.»
نوموړي د حماه ښار د بیارغونې په تړاو جوړې شوې دې غونډه کې همداراز وویل چې یاد ښار سوریه کې د سولهییز مېشتېدنې او ژوند کولو یوه بېلګه ده او د دې ویجاړ شوي ښار د بیارغونې لپاره یې، خپل هوډ څرګند کړ.
هغه وویل: «د حماه ټپ یوازې د دې ښار ټپ نهدی، بلکې زخم دی چې د سوریې ټول اوسېدونکو پورې تړاو لري، هغه زخم چې څه باندې څلوېښت کاله یې دوام وکړ.»
د حماه ښار له کلونو جګړې وروسته اوس د بیارغونې نوي پړاو ته داخلېږي.
د فدا الحماه په نوم پیل شوي دې کمپاین کې په هر اړخیزه توګه د یاد ښار د بیارغونې بهیر شامل دی. دغه کمپاین یوازې پر دې نهدی ورټول چې له اغېزمنو سیمو مالي ملاتړ وشي، بلکې موخه یې، د سیمې د خلکو ترمنځ د باور رامنځته کول او ټولنه کې د همکارۍ روحیې پیاوړي کول دي.
