امریکا سعودي عربستان ته F-35 جنګي الوتکې ورکوي.
ټرمپ پرون دوشنبه، نومبر ۱۷مه په رسمي توګه د دې تړون د تصویب خبر ورکړ. سعودي عربستان له اوږدې مودې راهیسې د ۴۸، F-35 الوتکو د اخیستو غوښتنه کوله.
«رویټرز» خبري اژانس راپور ورکړی چې دغه غوښتنه د پنتاګون له هغه مهم پړاو څخه تېره شوې چې په تېرو میاشتو کې یې د دې معاملې ارزونه کوله او تر دې مخکې چې د امریکا د دفاع وزیر پیت هېګست میز ته ورسېږي، د پرمختګ یوه مهم پړاو یې بشپړ کړی دی.
د امریکا ولسمشر دا څرګندونې داسې مهال دي چې د سعودي ولیعهد شهزاده محمدبن سلمان پرون دوشنبه، واشنګټن ته په خپل رسمي سفر تللی دی.
د سعودي شاهي دیوان په وینا، دا سفر د پاچا سلمان بن عبدالعزیز په امر او د ولسمشر ټرمپ د رسمي بلنې په ځواب کې کېږي.
د شاهي دیوان په خبرپاڼه کې ویل شوي چې د لړم ۲۷ او ۲۸مه د دغه رسمي سفر په ترڅ کې به شهزاده محمد بن سلمان د ولسمشر ټرمپ سره وګوري، د سعودي او امریکا ترمنځ د دوه اړخیزو اړیکو او د هغو د پیاوړتیا لارو چارو ترڅنګ به د دواړو هېوادونو د ګډو مهمو موضوعاتو په اړه هم بحث او خبرې وکړي.
